Sînowsêwî

Di vê xebata berhevkarîyê da, “18” çîrokên herêmên cur bi cur hene. Her çîrok bi ekla xwe ya xweş, me dibe li civata xwe dike mêvan, berê me dide meseleyan û me li sifreya gotinên gundan dike mêvan.

Sîno sêwî bû, gedekî bîçûk bû. Dê û bavê wî rehmet kirin, îja keskî wî xwedî kira tine bû, apê wî bir cem xwu. Apê wî bir cem xwu, emrê wî heft bû, heyşt bû deh bû, donzde bû çi bûse, li cem apê xwu mezin bû îja bi wî zehmetî dida kişandin amojna wî. Amojna wî pê zehmetî dida kişandin, îja digo:

“Heri dewara, heri golika vegerîni, berxik çûn, mêşin çûn…”