PISÎK JÎ XEWNAN DIBÎNIN

Şahînê Bekirê Soreklî ku bi eslê xwe ji Kobaniyê ye, çavdêriyên xwe yên li diyasporayê, serpêhatî û çîrokên ku bihîstine di pirtûka Pisîk jî Xewnan Dibînin de li hev kom kirine. Ev berhem, bi naveroka xwe ya rengîn û zimanê resen di nav çîrokên Kurdî yên piştî 2000an de xwedî şûneke ciyawaz e.

Di Pisîk jî Xewnan Dibîninê de Kurmanciyeke zelal, xasma jî devoka Berferêt li benda xwînerên Kurd e. Şahînê Bekirê Soreklî, bi tecrubeya salan, çîrokên xwe bi hostetî hûnandine. Nemaze jî hin beşên berhemê ku bêjer/vegotiner tev li mijarê bûye, tahmeke cuda, şêweyeke ciwan bi xwendevanan dide naskirin.

Bi taybetî di demeke ku gelek nûserên Kurd bi nexweşiya Tirkmancieyê ketine de, Pisîk jî Xewnan Dibînin deriyê aramiyeke edebî ye.