LABÎRENTA CINAN

Realîzm û surrealîzma di Labîrenta Cinan de ji wan nimûneyên heyî yên ku em pê dizanin gelekî cudatir e. Û xwe dispêre cîhên welê ku ji wan çavkaniyên welatên rojava jî dûrtir e, ev surrealîzmeke xas e û ya nivîskar bi xwe ye.

Ji romana kurdî, Labîrenta Cinan yek ji wan nimûneyên herî baş e. Di hunera romanê de, pirsa dûrketina ji xwe gelek caran hatiye bi kar hanîn, lê hêjayiya xwendina vê roamanê ew e ku ji perspektîveke din ve û ji hêla hundur ve jî meriv dikane li meseleyan mêze bike û vejîne.

Romana Labîrenta Cinan nîşan dide ku civakek weke aşekî dikare gelek bi fesal û bi pergal mirovan hêdî hêdî bihêre, bike weke pîneyekî û bavêje aliyekî.