Destana Dewrêşê Evdî

Wekî dihêt zanîn, strana Dewrêşê Evdî bi gellek babetan di nav Kurdan de dihêt gotin. Şêweya li pêş yek ji wan e, lê dîsa ragihînim ku di kasêtên gihîştinî min de destan wek serpêhatî hatibû gotin, ne wek stran. Min nivîsandina vê destana bi nerx grîng dît, ne tenê da ku serpêhatî, yan va babetê wê, bi şêweyeke nivîskî bihêt parastin, lê her weha bi hêviya ku va babetê gotina serpêhatiyê di nav xwe de şêweya axaftina kurmancî ya daniştvanên herêmeke mezin ku deverên Kobanîyê, Deyşta Sirûcê û Rihayê digire, biparêze..