Bîyîşa Pêxemberî Ya Osman Esad Efendî û Destpêkê Klasîk Kırmanckî

Bi namê wahîrê no ʻerḍ û azmîn,
Ke ma dest kerd bi no girwedo rengîn. 

Şima ḥemdê xwe Ellay rê biyarîn,
Şew û roj qapîdê ey di biqarîn. 

Osman Esad Efendîyê Babijî verê ney seserre bi no şekil a dest bi mewlîdê xo kerdo. No gureyo rengîn ewro hîna dewam keno. Ma na xebata xo de mewlîdê Osman Esad Efendî û çarçewaya edebîyatê klasîk yê kirmanckî bi ewnîyayîşêko akademîk reyde tedqîq kerd. Xebate de mewlîdê Osman Esad Efendî sey mîhwerî gêrîyayo, babetê edebîyatê klasîkî goreyê ney îzah bîyê. Xebate de berhemê ke goreyê ûsulê klasîkî nusîyayî rêze bîyê. Hêvîya ma, na xebate seba xebatanê edebîyatê klasîkî bingeh bo û rayîranê neweyan akero.