Biro Romana Serhildana Agirîyê

Biro

Fişengên Biroyê Hesikê Têlî xelasbûbûn. Bi xwe jî, bi sê cîyan birîndarbû. Tivinga xwe danîbû ser singê xwe, li benda mirinê sekinîbû. Di laşê wî da mecal nemabû. Êdî çavên wî dihate girtinê. Qumandarê Îranê destê xwe avête tivinga Biro, bi zorê jê stend. Biro, bi zor û zehmet rabû ser pîyan. Destê xwe dirêjkir ku tivinga xwe paşda bistîne. Leşkerên Ecema, bi hev ra gulle barandin ser Biro. Biro, bi keserek mezin û axînîyek kûr got: "Heywaxxx, Gilîdax bê xwedî ma!" Û deverû kete erdê. Ew jî, çû kete nav refê şêhîdên Kurdistanê