BI HEFT DENGAN GAZÎ DIKIM

Bi Heft Dengan Gazî Dikim,ji heyşt çîrokan pêk hatiye. Çîrok û serpêhatiyên ku wekî ji xewnan baz dane, bi ravekirineke balkêş hatine vegotin.Carinan meriv bi xwendina çîrokê re diçe wan deveran û destê meriv li ser dilê meriv, meriv dibe çavnêr û temaşekarê bûyerên dilsoj. Hema hema hemû serpêhatî, serpêhatiyên ji derdora gundê Dengizan û Dengiziyan e. Nivîskar di serpêhatiyan de bahsa jiyana gundiyan, têkiliyên wan ên bi hev re û ên birêveber û axayan re dike. Di çîrokekê de behsa serpêhatî û dîroka malbatekê dike, di çîrokeke din de li ser etîmolojiya peyvekê radiweste...